21.08.2026 | 16:48
Մեկնարկեց «Ուժեղ Հայաստան»-ի նոր թեկնածուի քվեարկությունը. ՈՒՂԻՂ
Ստոլտենբերգը հայտարարել է, որ պատերազմը չպետք է դուրս գա Ուկրաինայի սահմաններից՝ վերածվելով ՆԱՏՕ-ՌԴ պատերազմի
Քաղաքականություն
11.03.2022 | 15:51
ՆԱՏՕ-ի գլխավոր քարտուղար Յենս Ստոլտենբերգը Անթալիայի դիվանագիտական ֆորումի շրջանակում հարցազրույց է տվել CNN Turk-ին՝ խոսելով նաև Ուկրաինայում պատերազմի մասին։
Մասնավորապես, նա նշել է, որ պետք է անել հնարավորը՝ Ուկրաինայում պատերազմին վերջ տալու համար։ Ստոլտենբերգը նաև ասել է, որ գնահատում է Թուրքիայի միջնորդական ջանքերը։
«Նախագահ Պուտինը պետք է ավարտի այս պատերազմը և իր զորքերը ամբողջությամբ դուրս բերի Ուկրաինայից։ Այս պատերազմը չպետք է դուրս գա Ուկրաինայի սահմաններից»,- ասել է Ստոլտենբերգը։
Նա նշել է, որ արդեն իսկ հանդիպել է Թուրքիայի ԱԳ նախարար Մևլութ Չավուշօղլուին, պատրաստվում է նաև հանդիպել նախագահ Էրդողանին։
«Այո՛, մենք ակնկալում ենք, որ մեր բոլոր դաշնակիցները պատժամիջոցներ կկիրառեն ՌԴ դեմ։ Այս մասին նաև ասել եմ պարոն Չավուշօղլուին։ Թուրքիան այստեղ առանցքային դեր ունի։ Թուրքիան նաև առանցքային կարողություններ է տրամադրում Ուկրաինային։ Անօդաչուները կարևոր են այս պահին»,- ասել է ՆԱՏՕ-ի գլխավոր քարտուղարը՝ հավելելով․ «Այս պատերազմը չպետք է վերածվի ՆԱՏՕ-ի և Ռուսաստանի պատերազմի, դա շատ մեծ զոհերի կհանգեցնի»։
Էմմա Չոբանյան
