15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Թուրքիան չի պատրաստվում ՌԴ-ի դեմ պատժամիջոցներ կիրառել
Քաղաքականություն
11.03.2022 | 15:29
Թուրքիան ներկայում չի պատրաստվում Ռուսաստանի դեմ պատժամիջոցներ կիրառել։ Այս մասին հայտարարել է Թուրքիայի նախագահի գլխավոր խորհրդական, մամուլի խոսնակ Իբրահիմ Քալընը, փոխանցում է ՌԻԱ Նովոստին։
«Ներկայում մենք չենք նախատեսում պատժամիջոցներ սահմանել Ռուսաստանի դեմ։ Մենք ցանկանում ենք, որ վստահության ալիքը բաց մնա։ Եվ, իհարկե, մենք չենք ցանկանում, որ տուժի մեր տնտեսությունը»,- Քալընի խոսքերն է մեջբերում «A Haber»-ը։
Հավելենք՝ ավելի վաղ թուրքական մամուլում տեղեկություններ էին հայտնվել, որ Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ հեռախոսազրույցում արևմտյան պատժամիջոցները շրջանցող գործնական առաջարկ է արել։
Էմմա Չոբանյան
