08.06.2026 | 14:30
Ուկրաինայի Գերագույն ռադայի նախագահը շնորհավորել է Ալեն Սիմոնյանին ընտրություններում տարած հաղթանակի առիթով
Ոչ ոք չի բացառում Պուտինի և Զելենսկու հանդիպման հնարավորությունը․ Պեսկով
Քաղաքականություն
11.03.2022 | 15:22
Կրեմլը չի բացառում Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկու հանդիպման հնարավորությունը, բայց այն պետք է նախապատրաստված լինի, որպեսզի արդյունք բերի։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Ոչ ոք չի բացառում Պուտինի և Զելենսկու հանդիպման հնարավորությունը։ Այո՛, իսկապես դա հնարավոր է»,- ասել է Կրեմլի խոսնակը։
Միաժամանակ, նա զգուշացրել է, որ նախ «և՛ պատվիրակությունները, և՛ նախարարները պետք է անեն աշխատանքի իրենց բաժինը, որպեսզի նախագահները չհանդիպեն հանուն գործընթացի և հանուն խոսակցության, այլ հանդիպեն արդյունքի համար»։
«Ռուսական կողմի դիրքորոշումները հայտնի են, դրանք հստակ ձևակերպված են և ուկրաինացի բանակցողների ուշադրությանն են ներկայացվում, մենք սպասում ենք փոխադարձ ձևակերպումների»,- ասել է Պեսկովը։
Տաթև Ֆռանգյան
