29.03.2026 | 11:22
Վթարային ջրանջատում Երևանում
Պետք է դիմել ռուս խաղաղապահներին՝ Քարին տակ-Շուշի ճանապարհի վրա անցակետ տեղադրելու համար․ արցախցի. ՏԵՍԱՆՅՈՒԹ
Հասարակություն
11.03.2022 | 14:32
Արցախից տեղահանված և ՀՀ-ում հաստատված հադրութցիներն ու շուշեցիները Երևանի Հանրապետության հրապարակում ակցիա են իրականացնում` պահանջելով, որ ՀՀ կառավարությունն արձագանքի ադրբեջանական ագրեսիային և պաշտպանի խաղաղ բնակչությանը։
Նրանք եկել էին «Ձեռքերդ հեռու Արցախի Հանրապետությունից» գրությամբ պաստառով և Արցախի դրոշով։
«Ցանկանում ենք դիմել ՀՀ կառավարությանը, որպեսզի իրենց ձայնը բարձրացնեն Արցախի Հանրապետության խաղաղ բնակչությանը պաշտպանելու համար»,- լրագրողների հետ զրույցում նշեց ակցիայի մասնակիցներից մեկը:
Նրա խոսքով՝ պետք է դիմել Արցախում գտնվող ռուս խաղաղապահների հրամանատարությանը՝ Քարին տակ-Շուշի ճանապարհի վրա անցակետ տեղադրելու համար և դրանով իսկ Բաքվից Շուշի մտնող ահաբեկիչների մուտքը վեահսկելու համար:
Մանրամասները՝ տեսանյութում:
