06.10.2026 | 12:18
Էրիկ Փիլոյան. «Ամենամեծ պատճառներից մեկը, որ չպարտվեցինք՝ թիմի մթնոլորտն է». ՏԵՍԱՆՅՈՒԹ
Սարատովի և Նիժնի Նովգորոդի բնակիչները դատարկում են խանութները․ ՏԵՍԱՆՅՈՒԹ
Քաղաքականություն
11.03.2022 | 13:27
Սարատովում և Նիժնի Նովգորոդում մեծացել է առաջին անհրաժեշտության ապրանքների պահանջարկը։ Շաքարավազի և հացահատիկի դարակները խանութներում դատարկ են, ինչպես երևում է հինգշաբթի նկարահանված տեսանյութից: Ռուսաստանի այլ քաղաքներում ևս ապրանքների պակաս կա։ Որոշ գնորդներ անակնկալի են եկել դարակաշարերի դատարկությունից և ենթադրում են, որ մատակարարները դժվարություններ են ունենում ապրանքների առաքման հետ կապված:
«Ես ոչինչ չեմ գնում ապագայում օգտագործելու համար։ Մանդարին, կես հաց… Ինձ ոչինչ պետք չէ’ ապագայում օգտագործելու համար։ Ինչի՞ համար։ Հիմարություն։ Նրանք մեզ վախեցնում են, իսկ մենք, ըստ երևույթին, վախենում ենք»,- դժգոհում է նրանցից մեկը։
Սուպերմարկետի աշխատակիցն էլ պնդում է, որ ցանցում իրականում ապրանքների մեծ պահանջարկ չկա։
Սարատով քաղաքի ղեկավարությունն իր հերթին հայտնել է, որ որոշ ապրանքների ժամանակավոր դեֆիցիտը «ստեղծվել է բացառապես սպառողների մեծ պահանջարկի պատճառով»։
«Լոգիստիկ պահեստներում ապրանքների պաշարը բավարար է»,- ասվում է հաղորդագրության մեջ։
Մանրամասները՝ տեսանյութում։
