18.12.2025 | 14:34
Իմ խնդիրն է՝ հայ ժողովրդին դուրս բերել նահատակացման տրամաբանությունից․ Փաշինյան. ՏԵՍԱՆՅՈՒԹ
Նպատակն այն է, որ սպառողը չխաբվի. Թունյանը՝ գազա-բենզալցակայաններում ստուգող սարք տեղադրելու մասին․ ՏԵՍԱՆՅՈՒԹ
Հասարակություն
11.03.2022 | 13:25
ՀՀ ԱԺ տնտեսական հարցերի մշտական հանձնաժողովի նախաձեռնությամբ այսօր ընթանում է քննարկում՝ օրակարգում «Առևտրի և ծառայությունների մասին» օրենքում և «Վարչական իրավախախտումների վերաբերյալ ՀՀ օրենսգրքում» լրացում ու փոփոխություններ կատարելու մասին նախագծերի փաթեթ, որով գազաբենզալցակայաններին պարտադրվում է բաշխիչ աշխատակներում ստուգող սարք տեղադրել՝ թերլցումները բացառելու համար։
«Պարզ է, որ տնտեսվարողների դիրքորոշումը պիտի բացասական լինի այսպիսի նախագծի վերաբերյալ, քանի որ լրացուցիչ վերահսկողության մեխանիզմներ են դրվում: Բայց կան և՛ բարեխիղճ, և՛ անբարեխիղճ տնտեսվարողներ, և սպառողների կողմից բողոքներ միշտ լինում են: Սպառողները մեզ ակտիվ քննադատում էին,որ այս նախագծի ընդունումը հետաձգեցինք… Այս նախագծի նպատակն այն է, որ սպառողը չխաբվի»,- նշեց «Քաղաքացիական պայմանագիր» խմբակցության պատգամավոր Բաբկեն Թունյանը:
«Քաղաքացիական պայմանագիր» խմբակցության պատգամավոր Հովիկ Աղազարյանը հետաքրքրվեց՝ եթե սարքը տեղադրվի, դրանից հետո որևէ տեսակի միջամտություն հնարավո՞ր է։
«Որպես մասնագետ կարող եմ ասել, որ հնարավոր չէ 100%-ով երաշխավորել, որ միջամտություն չի լինի»,- պատասխանեց ԱԺ տնտեսական հարցերի մշտական հանձնաժողովի նախագահ Վահե Հակոբյանը:
Մանրամասները՝ տեսանյութում:
