16.09.2026 | 18:46
ՀՀ-ն է որոշումներ կայացնելու TRIPP մուտք ու ելքի պահին. Փաշինյան. ՏԵՍԱՆՅՈՒԹ
Ուկրաինան երբեք չի դառնա Պուտինի հաղթանակը․ Ջո Բայդեն
Քաղաքականություն
11.03.2022 | 12:48
ԱՄՆ նախագահ Ջո Բայդենը հայտնել է ԱՄՆ վճռականությունը՝ շարունակելու աջակցել Ուկրաինային ռուսական ագրեսիայի դեմ պայքարում, և ընդգծել, որ Ռուսաստանի նախագահ Վլադիմիր Պուտինը երբեք չի հաղթի այս երկրում, գրում է VOA-ն։
«Ուկրաինան երբեք, երբեք չի դառնա Պուտինի հաղթանակը։ Կարծում եմ, որ Միացյալ Նահանգները և աշխարհի ժողովուրդները կշարունակեն աջակցել ուկրաինացի ժողովրդին, որը պաշտպանում է իր երկիրը»,- ասել է ԱՄՆ նախագահը Կոլումբիայի առաջնորդ Իվան Դուկեի հետ Սպիտակ տանը բանակցություններից առաջ։
Նա հիշեցրել է, որ ԱՄՆ-ն արդեն մեկ միլիարդ դոլար է հատկացրել Ուկրաինային՝ անվտանգության ապահովման հարցում աջակցելու համար։
«Եվ հենց այս պահին պաշտպանական տեխնիկայի նոր խմբաքանակներ են ուղարկվում այնտեղ»,- ասել է ԱՄՆ նախագահը:
Բայդենը հավելել է, որ ԱՄՆ-ի սահմանած տնտեսական պատժամիջոցները «խաթարում են ռուսական տնտեսությունը, իսկ ռուբլին արդեն կորցրել է իր արժեքի կեսը»։ Նա նշել է նաև, որ ծրագրում է Կոլումբիային ՆԱՏՕ-ից դուրս երկրի գլխավոր դաշնակցի կարգավիճակ տալ։
«Այսօր ուրախ եմ հայտարարելու, որ մտադիր եմ Կոլումբիան դարձնել ՆԱՏՕ-ից դուրս գլխավոր դաշնակից: Դա հենց այն է, ինչ դուք հանդիսանում եք: Եվ սա մեր երկրների միջև իսկապես յուրահատուկ սերտ հարաբերությունների ճանաչում է»,- ասել է ԱՄՆ նախագահը Դուկեի հետ բանակցություններից առաջ։
Տաթև Ֆռանգյան
