«Ադրբեջանի էթնիկ ատելության քաղաքականության դրսևորումներն ու հետևանքները» թեմայով քննարկում․ ՈՒՂԻՂ

Վերջին օրերին ադրբեջանական զինուժը տարբեր ուղղություններով՝ Արցախի և Հայաստանի հետ շփման գծում, պարբերաբար դիմում է սադրանքների` հայկական դիրքերի ուղղությամբ կրակելով ականանետերից:

Հայ-ադրբեջանական սահմանի Երասխի հատվածում մարտի 7-ին հայկական կողմը հայտնել է մեկ զոհի և մեկ վիրավորի մասին: Մարտի 10-ին Արցախի Խրամորթ գյուղն Ադրբեջանի զինուժը գնդակոծել է ականանետից, որի հետևանքով խաղաղ բնակիչ է վիրավորվել։

Մարտի 8-ին վնասվել է նաև Հայաստանից Արցախ գնացող հիմնական գազատարը, որի հետևանքով Արցախի ամբողջ տարածքը զրկված է գազամատակարարումից։

Գազատարը վնասված է այն հատվածում, որը գտնվում է ադրբեջանական զինված ուժերի վերահսկողության տակ: Մինչ օրս ադրբեջանական կողմը թույլ չի տալիս սկսել Հայաստան-Արցախ գազատարի վթարի վերացման աշխատանքները:

Ըստ այդմ, պատահական չէ, որ շատերն Արցախի բնակչությանն ահաբեկելու միտում են տեսնում Ադրբեջանի զինվորականների գործողություններում` չբացառելով, որ գազատարի վնասումը կարող է լինել այդ նպատակով իրականացված քայլ:

Ստեղծված իրավիճակի վերաբերյալ հայտարարություններով են հանդես եկել Հայաստանի և Արցախի իշխանությունները, ինչպես նաև մարդու իրավունքների պաշտպանները` գնահատելով Ադրբեջանի գործողությունները որպես «Արցախի խաղաղ բնակչության հանդեպ հանցավոր ոտնձգություն»:

Արցախում ստեղծված իրավիճակի, Ադրբեջանի գործողությունների նպատակների մասին «Հոդված 3» ակումբը ասուլիս-քննարկում է կազմակերպել «Ադրբեջանի էթնիկ ատելության քաղաքականության դրսևորումներն ու հետևանքները» թեմայով:

Բանախոսներն են.
Քրիստիննե Գրիգորյան՝ Հայաստանի մարդու իրավունքների պաշտպան
Գեղամ Ստեփանյան՝ Արցախի մարդու իրավունքների պաշտպան