17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
Բասկետբոլի Ա-լիգա. Այսօր մեկնարկում է փլեյ-օֆֆ փուլը
10.03.2022 | 18:14
Մեկնարկում է բասկետբոլի Ա-լիգայի կանոնավոր առաջնության փլեյ-օֆֆ փուլը․ տեղեկացնում են ԿԳՄՍՆ-ից։
Ա-լիգայի կանոնների համաձայն՝ թիմերի վերջին երկու խաղերը հաշվվել են որպես փլեյ-օֆֆի հանդիպում։ ԲԿՄԱ-ն, որը կանոնավոր առաջնությունում զբաղեցրել է երրորդ հորիզոնականը, կմրցի «Արցախի» հետ, որը գտնվում է վեցերորդ հորիզոնականում: Չորրորդ հորիզոնականում գտնվող «Գյումրին» կմրցի «Արարատի» դեմ, որն էլ զբաղեցնում է հինգերորդ հորիզոնականը:
Կանոնավոր մրցաշրջանի առաջին և երկրորդ թիմերը ինքնաբերաբար դուրս են գալիս կիսաեզրափակիչ:
«Ուրարտուն» ու «Էրեբունին» արդեն ապահովել են իրենց տեղը լավագույն քառյակում, սակայն կանոնավոր առաջնության իրենց վերջին խաղում կվիճարկեն առաջին և երկրորդ հորիզոնականները:
Կիսաեզրափակիչ դուրս գալու համար քառորդ եզրափակչում գտնվող թիմերն իրենց հաղթանակների թիվը պետք է հասցնեն 3-ի:
Կարեն Դեմիրճյանի անվան մարզահամերգային համալիրում այսօր կկայանա «Գյումրի»-«Արարատ» փլեյ-օֆֆ փուլի առաջին հանդիպումը: Խաղը կմեկնարկի ժամը 20:30-ին: Այս թիմերի միջև քառորդ եզրափակիչ փուլի երկրորդ հանդիպումը կկայանա վաղը՝ մարտի 11-ին:
