20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Լեհաստանի նախագահը ԱՄՆ փոխնախագահի հետ հանդիպումից հետո կոչ է արել ՌԴ-ի դեմ նոր պատժամիջոցներ սահմանել
Քաղաքականություն
10.03.2022 | 17:47
Լեհաստանի նախագահ Անջեյ Դուդան ռուսական զինուժի կողմից Ուկրաինայում ծննդատան և մանկական հիվանդանոցի հրթիռակոծությունն անվանել է «բարբարոսության ակտ ու ցեղասպանություն» և կոչ արել Մոսկվայի դեմ նոր պատժամիջոցներ սահմանել, գրում է CNN-ը:
Վարշավայում ԱՄՆ փոխնախագահ Քամալա Հարիսի հետ երկկողմ հանդիպումից հետո ունեցած ելույթուն Դուդան շնորհակալություն է հայտնել Միացյալ Նահանգներին Ռուսաստանի դեմ պատժամիջոցներ կիրառելու համար և կոչ արել միջազգային հանրությանը՝ ավելի շատ օգնել Ուկրաինային։
«Մենք պետք է կոշտ դիրքորոշում որդեգրենք՝ որպես ազատ աշխարհի ներկայացուցիչներ։ Ուկրաինան օգնության կարիք ունի, և մենք պետք է միասնական մնանք այդ առումով»,- ասել է նա։
Ինչ վերաբերում է ԱՄՆ-ի կողմից Գերմանիայում տեղակայված ավիաբազայի միջոցով Ուկրաինա խորհրդային արտադրության կործանիչներ ուղարկելու լեհական առաջարկին Վաշինտոնի մերժմանը, Դուդան ասել է, որ Լեհաստանը պատրաստ է այդ կործանիչները մատակարարել Ուկրաինային, սակայն ցանկանում էր, որ դա ՆԱՏՕ-ի կողմից ընդունված ընդհանուր որոշում լինի։
«Մենք ցանկանում ենք, որ Լեհաստանը մնա ՆԱՏՕ-ի վստահելի անդամ»,- ասել է նա։
Էմմա Չոբանյան
