08.06.2026 | 20:12
Էրդողանն ընդունել է Պոլսի Հայոց պատրիարքին
Ուկրաինա ռուսական ներխուժման սկզբից ի վեր 71 երեխա է մահացել
Քաղաքականություն
10.03.2022 | 21:41
Ուկրաինա Ռուսաստանի ներխուժման սկզբից ի վեր 71 երեխա է մահացել, ավելի քան 100 երեխա վիրավորվել է։ Այս մասին հայտնել է Ուկրաինայի Գերագույն ռադայի մարդու իրավունքների հանձնակատար Լյուդմիլա Դենիսովան, գրում է Unian-ը։
«Մարտի 10-ի ժամը 11-ի դրությամբ, Ուկրաինա ՌԴ ներխուժման սկզբից ի վեր, մահացել է 71 երեխա, ավելի քան 100 երեխա վիրավորվել է»,- ասել է նա։
Մասնավորապես, Ժիտոմիրի շրջանի Մալին քաղաքում ավիահարվածի հետևանքով ավերվել է 7 մասնավոր մեկհարկանի բնակելի շենք, մահացել է 5 մարդ, այդ թվում՝ 3 երեխա (հինգ տարեկան աղջիկ և երկու երեխա 2021 թ.):
Խարկովի մարզում 16-ամյա տղան մահացել է Ժուկովսկի գյուղի շուկայի վրա հարձակման ժամանակ։
Բացի այդ, գիշերը Խարկովի մարզի Իզյումի շրջանի Սլոբոժանսկոյե գյուղում հերթական գնդակոծության հետևանքով հակառակորդի արկը խոցել է մասնավոր բնակելի շենք։ Փլատակների տակ մահացել է 4 մարդ՝ 2 կին և 2 երեխա, 5-ամյա աղջկա կյանքը հաջողվել է փրկել։
Միևնույն ժամանակ, Կիևի մարզի Իրպեն քաղաքում 10-ամյա աղջիկը բեկորային վնասվածք է ստացել և այժմ ծանր վիճակում գտնվում է հիվանդանոցում։
«Ռուսաստանի Դաշնության կողմից Ուկրաինա ռազմական ներխուժման, ռուս զինյալների գործողությունների, Ժնևի բոլոր կոնվենցիաների խախտման համար Ուկրաինան վճարում է չափազանց մեծ գին՝ իր երեխաների կյանքը, մեր ժողովրդի ապագան: Ես պնդում եմ, որ ՆԱՏՕ-ի երկրներն օգնեն կասեցնել ռուսական ահաբեկչությունը, փակել Ուկրաինայի երկինքը»,- հերթական անգամ կոչ է արել օմբուդսմենը։
Ավելի վաղ Ռադայի «Ժողովրդի ծառա» խմբակցության նախագահ Դավիթ Արախամիան հայտնել էր, որ մարտի 9-ին Ուկրաինայի ամբողջ տարածքից տարհանվել է ավելի քան 40 հազար կին և երեխա։
Տաթև Ֆռանգյան
