15.09.2026 | 22:12
«Մարդը պետք է գերակա լինի ԱԲ-ի նկատմամբ»․ Microsoft-ը վարքագծի կանոնագրքի նախագիծ է հրապարակել
ՃՈ 2-րդ սպայական գումարտակը ուժեղացված ծառայություն է իրականացրել Արմավիրի մարզում
Հասարակություն
10.03.2022 | 16:25
Ճանապարհային ոստիկանության երկրորդ սպայական գումարտակի 1-ին վաշտի ծառայողները, գումարտակի ղեկավար կազմի գլխավորությամբ, մարտի 7-ին ուժեղացված ծառայություն են իրականացրել Արմավիրի մարզում. տեղեկացնում են ՀՀ ոստիկանությունից։
Ուժեղացված ծառայության նպատակը առանց համարանիշերի տրանսպորտային միջոցներ հայտնաբերելն էր։ Մի քանի ժամ տևած միջոցառման ընթացքում հայտնաբերվեց առանց համարանիշերի երեք տրանսպորտային միջոց։ Բացի այդ, ճանապարհային երթևեկության տարբեր կանոնների խախտումների փաստերով կազմվեց երեք տասնյակից ավելի արձանագրություն։
Հայտնաբերվեցին առանց ԱՊՊԱ պայմանագրի շահագործվող՝ հինգ, թաղանթապատված դիմապակիով՝ հինգ, առանց համապատասխան փաստաթղթերի՝ երկու մեքենա։ 5 տրանսպորտային միջոց տեղափոխվեց պահպանվող հատուկ տարածք։
