10.10.2026 | 18:18
ԶՈՒ ԳՇ պետն այցելել է մի շարք զորամասեր
Լավրովը հայտարարել է, որ Պուտինը չի խուսափում Զելենսկիի հետ ուղիղ շփումներից
Քաղաքականություն
10.03.2022 | 15:27
«Կիևը վստահեցրել է, որ շուտով կպատասխանի Ուկրաինայում իրավիճակի կարգավորման վերաբերյալ Ռուսաստանի առաջարկներին։ Մոսկվան ցանկանում է լուրջ բանակցություններ վարել բելառուսական հարթակում»,- այս մասին հայտարարել է ՌԴ ԱԳ նախարար Սերգեյ Լավրովը Անթալիայում Ուկրաինայի ԱԳ նախարար Դմիտրի Կուլեբայի հետ բանակցություններից հետո կայացած մամուլի ասուլիսում։
«Ռուսական կողմը ներկայացրել է արդեն իրավական փաստաթղթի նախագծի տեսքով հստակ նկատառումներ, և ուկրաինական կողմը Կիևում մշակման համար այդ առաջարկները վերցնելով՝ վստահեցրել է, որ շուտով դրանց կոնկրետ պատասխան կտա»,- ասել է Լավրովը։
Նա նշել է, որ «ցանկանում են զրույցները տանել բելառուսական հարթակում լուրջ կերպով, համաձայնեցնել այն հարցերը, որոնք ընդհանուր ճանաչմամբ պետք է լուծվեն ուկրաինական հարցի համապարփակ կարգավորման ու Եվրոպա մայրցամաքում անվտանգության ապահովման համատեքստում»։
Ռուսաստանցի պաշտոնյան կրկնել է՝ Մոսկվայի պահանջն է, որ Կիևն ունենա չեզոք կարգավիճակ և դեմ հանդես գա ՆԱՏՕ-ի ընդլայնմանը։
Նա նաև հայտնել է, որ հանդիպմանը քննարկվել է ՌԴ-ի և Ուկրաինայի նախագահների հնարավոր բանակցությունների հարցը։ Լավրովը նշել է, որ ՌԴ նախագահ Վլադիմիր Պուտինն ուղիղ շփումներից չի խուսափում, սակայն ռուսական կողմը ցանկանում է, որ բանակցությունները զուտ բանակցությունների համար չանցկացվեն։
Էմմա Չոբանյան
