08.06.2026 | 22:58
Հայտնի է նոր Ազգային ժողովի առաջին նիստի օրը
Ուկրաինայում պատերազմը 516 խաղաղ բնակչի կյանք է խլել, ևս 908-ը վիրավորվել է. ՄԱԿ
Քաղաքականություն
10.03.2022 | 17:43
Պատերազմի սկզբից Ուկրաինայում զոհվել է 516 խաղաղ բնակիչ, ևս 908-ը վիրավորվել է։ Այս մասին ասված է ՄԱԿ-ի դիտորդական առաքելության տեղեկատվական փաստաթղթում, որը հայտնվել է UNIAN-ի տրամադրության տակ։
«2022 թվականի փետրվարի 24-ի առավոտյան ժամը 4:00-ից, երբ սկսվեց Ռուսաստանի Դաշնության զինված հարձակումը Ուկրաինայի վրա, մինչև 2022 թվականի մարտի 8-ի կեսգիշերը (տեղական ժամանակով) ՄԱԿ-ի Մարդու իրավունքների գերագույն հանձնակատարի գրասենյակն Ուկրաինայում գրանցել է քաղաքացիական անձանց մահվան կամ վիրավորվելու 1424 դեպք՝ 516 զոհ և 908 վիրավոր»,- ասվում է զեկույցում։
Մասնավորապես, ըստ փաստաթղթի, 516 մահացածներից 98 տղամարդ է, 60-ը՝ կին, 9-ը՝ տղա, 5-ը՝ աղջիկ, ինչպես նաև 23 երեխա և 321 մեծահասակ, որոնց սեռը չի հաջողվել պարզել։
908 վիրավորներից 78-ը տղամարդ է, 57-ը՝ կին, 12-ը՝ աղջիկ, 4-ը՝ տղա, ինչպես նաև 34 երեխա և 723 մեծահասակ, որոնց սեռը չի հաջողվել պարզել։
«Արձանագրված քաղաքացիական զոհերի մեծամասնությունը գրանցվել է ազդեցության լայն տարածությամբ պայթուցիկ զենքերի, ներառյալ՝ ծանր հրետանու կիրառման, ինչպես նաև հրթիռային և օդային հարվածների արդյունքում», – ասվում է հայտարարության մեջ:
Տաթև Ֆռանգյան
