16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԱՄՆ-ը զգուշացնում է՝ Ռուսաստանը կարող է քիմիական կամ կենսաբանական զենք կիրառել Ուկրաինայում
Քաղաքականություն
10.03.2022 | 14:46
ԱՄՆ վարչակազմը զգուշացնում է, որ Ռուսաստանը կարող է քիմիական կամ կենսաբանական զենք կիրառել Ուկրաինայում։ DW-ի ռուսական ծառայության փոխանցմամբ՝ Սպիտակ տան խոսնակ Ջեն Փսակին ասել է որ կեղծ տեղեկություններ տարածելով Ուկրաինայի կենսաբանական լաբորատորիաների մասին, որտեղ Պենտագոնը, իբր, կենսաբանական զենք է մշակել, Մոսկվան ցանկանում է ճանապարհ հարթել Ուկրաինայում ագրեսիայի չարդարացված պատերազմի հետագա սրման համար։
«Ռուսաստանը հետևում է վարքագծի հստակ օրինակի. կա՛մ պատրաստվում է օգտագործել զանգվածային ոչնչացման զենք, կա՛մ բեմականացնում է ուկրաինացիների հարձակում՝ պատերազմը շարունակելու հիմնավորում ստեղծելու համար»,- գրել է Փսակին Twitter-ում։
Նա բացատրել է, որ Ռուսաստանը բազմիցս օգտագործել է քիմիական զենք, օրինակ՝ նախագահ Վլադիմիր Պուտինի քաղաքական հակառակորդների, մասնավորապես՝ Ալեքսեյ Նավալնիի վրա հարձակումների ժամանակ։
Փսակիի խոսքով՝ դա Ռուսաստանի կողմից կիրառվող տիպիկ տեխնիկա է․ Մոսկվան մեղադրում է Արևմուտքին այն խախտումների մեջ, որոնք ինքն է անում։ Սպիտակ տան խոսնակը նաև մեղադրել է չինացի պաշտոնյաներին ռուսական դավադրության տեսություններ տարածելու մեջ:
