10.10.2026 | 18:18
ԶՈՒ ԳՇ պետն այցելել է մի շարք զորամասեր
ՄԱԿ-ի գլխավոր քարտուղարն արձագանքել է Մարիուպոլի հիվանդանոցի գնդակոծմանը
Քաղաքականություն
10.03.2022 | 15:32
ՄԱԿ-ի գլխավոր քարտուղար Անտոնիո Գուտերեշն անդրադարձել է Ուկրաինայի Դոնեցկի մարզի Մարիուպոլ քաղաքի ծննդատան ռմբակոծությանը։
«Ուկրաինայի Մարիուպոլի հիվանդանոցի վրա հարձակումը, որտեղ գտնվում է ծննդատունը և մանկական բաժանմունքը, սարսափելի է, քաղաքացիական անձինք ամենաբարձր գինն են վճարում իրենց հետ կապ չունեցող պատերազմի համար»,- գրել է կազմակերպության ղեկավարը։
Միաժամանակ, նա կոչ է արել անհապաղ դադարեցնել ռազմական գործողությունները։
«Այս անիմաստ բռնությունը պետք է դադարեցվի։ Դադարեցրեք արյունահեղությունը հիմա»,- նշել է նա։
Հիշեցնենք, որ նախօրեին ռմբակոծվել է Մարիուպոլի ծննդատունը և մանկական հիվանդանոցը։ Տուժել է 17 մարդ։ Ուկրաինայի նախագահ Վլադիմիր Զելենսկին այս հարձակումն անվանել է վայրագություն Ռուսաստանի Դաշնության կողմից ու ևս մեկ անգամ Արևմուտքին կոչ է արել փակել Ուկրաինայի երկինքը։
Տաթև Ֆռանգյան
