23.04.2026 | 23:33
Մահացել է Արցախի հերոս Ռոբերտ Աբաջյանի մայրը
Զելենսկիի գրասենյակից հայտնել են՝ ինչ պայմանով կքննարկեն Ուկրաինայի չեզոք կարգավիճակի հարցը
Քաղաքականություն
09.03.2022 | 20:04
Ուկրաինան սկզբունքորեն պատրաստ է քննարկել Ռուսաստանի հետ չեզոք կարգավիճակի հարցը։ Այս մասին գերմանացի լրագրողներին տված հարցազրույցում ասել է Ուկրաինայի նախագահի աշխատակազմի ղեկավարի տեղակալ Իգոր Ժովկվան, գրում է BBC-ի ռուսական ծառայությունը։
Նա նշել է, որ Կիևը չի քննարկի վերջնագրերը և պատրաստ չէ գնալ փոխզիջումների սկզբունքային հարցերում․ սովորաբար սա ենթադրում էր Ղրիմի և Դոնբասի կարգավիճակի հարցը, սակայն երեկ ABC հեռուստաալիքին տված հարցազրույցում Ուկրաինայի նախագահ Վլադիմիր Զելենսկին չբացառեց նաև այս հարցում փոխզիջման հասնելու հնարավորությունը:
«Սակայն մնացածը կարելի է քննարկել։ Օրինակ՝ ինչպիսի տեսք է ունենալու Ուկրաինայի հնարավոր չեզոք կարգավիճակը»,- ասել է Ժովկվան։
Նա ընդգծել է, որ նման բանակցությունները պետք է տեղի ունենան ամենաբարձր մակարդակով ու միայն ռազմական գործողությունների դադարեցումից և Ուկրաինայի տարածքից ռուսական զորքերի դուրսբերումից հետո։
Էմմա Չոբանյան
