08.06.2026 | 15:04
Համայնքապետերի ներկայությունից մինչև ընտրողների տեղափոխման դեպք․ «Ականատես»-ի արձանագրած խախտումները․ ՏԵՍԱՆՅՈՒԹ
Իսրայելի նախագահը 2008թ․ ի վեր առաջին անգամ Թուրքիա է այցելել
Քաղաքականություն
09.03.2022 | 19:13
Իսրայելի նախագահ Իցհակ Հերցոգը պաշտոնական այցով ժամանել է Անկարա, գրում է «Անադոլու» գործակալությունը։
Իսրայելի նախագահի ինքնաթիռը վայրէջք է կատարել «Էսենբոգի» օդանավակայանում։ Իսրայելի առաջնորդին դիմավորել են Թուրքիայի նախագահի մամուլի քարտուղար Իբրահիմ Քալընը և բարձրաստիճան այլ պաշտոնյաներ։
Նշվում է, որ Հերցոգը երկօրյա այցով է ժամանել Թուրքիա։ Իսրայելի նախագահը Թուրքիայի նախագահական պալատում նեղ և ընդլայնված կազմով հանդիպում կունենա թուրք պաշտոնակից Ռեջեփ Թայիփ Էրդողանի հետ։ Պետությունների ղեկավարները հանդես կգան համատեղ մամուլի ասուլիսով։
Իսրայելի նախագահը կլինի նաև Ստամբուլում, որտեղ մարտի 10-ին նախատեսված է նրա հանդիպումը Թուրքիայի հրեական համայնքի հետ։
Հարկ է նկատել, որ Հերցոգն Իսրայելի առաջին բարձրաստիճան պաշտոնյան է, որը 2008 թվականից ի վեր այցելում է Թուրքիա։
Էմմա Չոբանյան
