09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Կուլեբան խոսել է Լավրովի հետ բանակցություններից ակնկալիքների մասին
Քաղաքականություն
09.03.2022 | 16:52
Ուկրաինայի ԱԳ նախարար Դմիտրի Կուլեբան հայտարարել է, որ Ռուսաստանի արտգործնախարար Սերգեյ Լավրովի հետ հանդիպումից իր ակնկալիքները զուսպ են, գրում է Korrespondent-ը։
«Ես մեծ հույսեր չեմ կապում այդ հանդիպման հետ, մեծ ակնկալիքներ չունեմ, սակայն, անկասկած, առավելագույնը կքամենք»,- հայտարարել է նա։
Սրա հետ մեկտեղ, Կուլեբան նշել է, որ Ուկրաինայի պաշտպանության ուժերի և գործընկերների հետ համակարգված՝ պատժամիջոցներ կիրառելու, Ուկրաինայի պաշտպանությանն աջակցելու, Ռուսաստանին մեկուսացնելու գործողությունների շնորհիվ ինքն այդ բանակցություններին գնում է ամուր դիրքերից մասնակցելու։
«Մենք ուժեղ ենք, մենք վստահ ենք մեզ վրա, ի շահ Ուկրաինայի և ուկրաինացի ժողովրդի՝ կքամենք առավելագույնը։ Թե արդյունքում ինչ կստանանք, այլ հարց է։ Դա կախված է, թե Լավրովն ինչ ցուցումներով ու հրահանգներով է գալիս բանակցությունների։ Հուսով եմ՝ նա բարեխղճորեն կմոտենա այս բանակցություններին, ոչ թե քարոզչական տեսանկյունից»,- ասել է ուկրաինացի պաշտոնյան։
Տաթև Ֆռանգյան
