09.02.2026 | 13:55
ՔՊ-ն պետք է խնդրի Վենսին` ճնշել Բաքվին, հայ գերիներին ազատ արձակելու համար. Արթուր Խաչատրյան
Զախարովան հաստատել է, որ Լավրովն ու Կուլեբան կհանդիպեն Թուրքիայում
Քաղաքականություն
09.03.2022 | 13:20
ՌԴ ԱԳ նախարար Սերգեյ Լավրովի ու Ուկրաինայի ԱԳ նախարար Դմիտրի Կուլեբայի շփումը տեղի է ունենալու թուրքական Անթալիա քաղաքում։ Այս մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան Ռադիո Սպուտնիկի եթերում, գրում է Mk.ru-ն։
«Նախատեսվել են մի շարք երկկողմ հանդիպումներ, դրանք բոլորը հաստատվել են»,-ասել է Զախարովան՝նշելով, որ այդ միջոցառման շրջանակներում, իսկապես տեղի կունենան ՌԴ-ի ու Ուկրաինայի ԱԳ նախարարների բանակցությունները։
Ավելի վաղ ՌԴ ԱԳՆ հայտնել էր, որ հանդիպումը տեղի է ունենալու Անթալիայի դիվանագիտական ֆորումի շրջանակներում։
Հավելենք, որ այս հանդիպման նախաձեռնողը Թուրքիան է։ Մինչ այժմ հաղորդվում էր, որ Լավրովի ու Կուլեբայի հանդիպումը տեղի է ունենալու մարտի 10-ին, չնայած, որ ֆորումը սկսվում է մարտի 11-ին։
Էմմա Չոբանյան
