09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Իրանը պատրաստ է նպաստել ուկրաինական պատերազմի քաղաքական կարգավորմանը
Քաղաքականություն
08.03.2022 | 22:14
Իրանի արտաքին գործերի նախարարն աջակցություն է հայտնել ուկրաինական ճգնաժամի քաղաքական լուծումներին՝ ասելով, որ Թեհրանը պատրաստ է քաղաքական մոտեցումներով նպաստել պատերազմի ավարտի ցանկացած գործընթացին, Tasnim-ը։
Հոսեյն Ամիր Աբդոլլահիանն իր թուրք գործընկեր Մևլութ Չավուշօղլուի հետ հեռախոսազրույցում անդրադարձել է Թեհրան-Անկարա հարաբերությունների վերջին զարգացումներին, ինչպես նաև տարածաշրջանային և միջազգային որոշ հարցերի, այդ թվում՝ ուկրաինական ճգնաժամին։
Պաշտոնյաներն անդրադարձել են երկկողմ կապերի զարգացման նպատակով Թուրքիայի նախագահ Ռեջեփ Թայիփ Էրդողանի առաջիկա այցին Թեհրան։
«Մենք աջակցում ենք Ուկրաինայում իրադրության քաղաքական լուծմանն ու պատերազմը դադարեցնելու և դիվանագիտական կարգավորման վրա կենտրոնանալու քաղաքական նախաձեռնությանը, և մենք պատրաստ ենք օգնել այս գործընթացի առաջխաղացմանը»,- ասել է իրանցի նախարարը։
Չավուշօղլուն իր հերթին ընդգծել է երկու նախագահների աջակցությամբ Թեհրանի և Անկարայի միջև երկկողմ հարաբերությունների զարգացման գործում արդյունավետ և շոշափելի քայլերի անհրաժեշտությունը։
Նա նաև հայտարարել է, որ իր երկրի դեմ է պատժամիջոցներին՝ նշելով, որ դրանք որևէ խնդրի լուծում չեն։ Թուրքիայի արտգործնախարարը նաև մտահոգություն է հայտնել ուկրաինական ճգնաժամի սրման, հումանիտար աղետի հնարավորության և երկրում փախստականների ու միգրանտների հոսքի աճի կապակցությամբ։
Տաթև Ֆռանգյան
