15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Մեծ Բրիտանիայի ՊՆ ղեկավարը հայտարարել է, որ ՌԴ-ն դեռ առաջխաղացում չունի
Քաղաքականություն
08.03.2022 | 16:41
Մեծ Բրիտանիայի պաշտպանության նախարար Բեն Ուոլասը BBC-ի հետ զրույցում ասել է, որ ՌԴ նախագահ Վլադիմիր Պուտինի ուժերն «ավելի հուսահատ են դառնում», և «տեսնում են, որ ռուսները կրկնապատկում են դաժանությունը»:
«Ռուսաստանը 13 օրվա ընթացքում դեռ չի կատարել իր առաջխաղացումը։ Հյուսիսային շարասյունը, որի մասին մենք հաճախ ենք խոսել, դեռ բավականին խրված է։ Նկատի ունեմ՝ իսկապես խրված է, ուստի այն չի առաջանում»,- ասել է Ուոլասը։
Նա նշել է որ Մեծ Բրիտանիան ավելացնելու է Ուկրաինային տրամադրվող մահաբեր և ոչ մահաբեր օգնության ծավալը, որի մանրամասները կհայտարարի չորեքշաբթի խորհրդարանում, և աջակցում է կազմակերպել օգնության փոխանցումը ՆԱՏՕ-ի և ԵՄ այլ երկրների միջոցով:
Լեհաստանի կողմից Ուկրաինային ինքնաթիռների հնարավոր մատկարարումների թեմային անդրադառնալով՝ Ուոլասը նշել է, որ այդ հարցի շուրջ այս պահին քննարկում է ընթանում։
«Մեծ Բրիտանիային չի կարող ուղղակիորեն ինքնաթիռներ մատակարարել Ուկրաինային, մենք չունենք նույն տեսակի կործանիչներ, որոնցով նրանք թռչում են՝ ՄիԳ-29 և այլն։ Մեր տեսակետն այն է, որ Ուկրաինային աջակցելը պետք է որոշի Լեհաստանը՝ երկկողմ հիմունքներով»,- ասել է նախարարը։
Խոսելով ոչ թռիչքային գոտու սահմանման մասին՝ բրիտանացի պաշտոնյան կրկնել է երկրի տեսակետը, որը չի սատարում դրա իրականացմանը։ Նա ասել է, որ ո՛չ ռուսական հրթիռները, ո՛չ հրետանին չեն տուժի ոչ թռիչքային գոտուց, բայց այն կխանգարի նաև ուկրաինական ինքնաթիռների թռիչքներին:
Բրիտանիայի ՊՆ ղեկավարը նշել է, որ նույն նպատակին հասնելու համար կարող են ՀՕՊ համակարգեր տրամադրել։
Էմմա Չոբանյան
