20.04.2026 | 21:09
Վենսը երեքշաբթի կմեկնի Վաշինգտոնից` Պակիստանում Իրանի հետ բանակցությունների մասնակցելու համար. CNN
Ռուսաստանը 30 տարվա ընթացքում այնքան ինքնաթիռ չի կորցրել, որքան Ուկրաինայում՝ 13 օրվա ընթացքում. Զելենսկի. ՏԵՍԱՆՅՈՒԹ
Քաղաքականություն
08.03.2022 | 14:43
Ռուսաստանը վերջին 30 տարիների ընթացքում չի կորցրել այնքան ավիացիոն տեխնիկա, որքան Ուկրաինայում այս 13 օրվա ընթացքում։ Այս մասին իր ուղերձում հայտարարել է Ուկրաինայի նախագահ Վլադիմիր Զելենսկին, գրում է Unian-ը։
«Մենք արդեն 13-րդ օրն է՝ կռվում ենք։ Մենք ոչնչացնում ենք օկուպանտներին, որտեղ կարող ենք։ Ամենո՛ւր։ Սակայն կա երկինքը։ Հարյուրավոր ռուսական թևավոր հրթիռներ։ Օկուպանտների հարյուրավոր մարտական ինքնաթիռներ, հարյուրավոր ուղղաթիռներ։ Այո՛, մենք ոչնչացնում ենք։ Ռուսաստանը վերջին 30 տարիների ընթացքում չի կորցրել այնքան ավիացիոն տեխնիկա, որքան Ուկրաինայում այս 13 օրվա ընթացքում»,- ասել է Զելենսկին։
Սակայն, նրա խոսքով, Ռուսաստանը դեռ բավականաչափ զինամթերք ունի։
«Դեռևս բավականաչափ հրթիռներ կան ահաբեկչության համար։ Դեռևս կան 500 կիլոգրամանոց ռումբեր, որպեսզի դրանք գցեն Չեռնիգովի ու Կիևի վրա, Օդեսայի ու Խարկովի, Պոլտավայի ու Ժիտոմիրի, Ուկրաինայի տասնյակ ու տասնյակ քաղաքների վրա»,- ասել է Ուկրաինայի ղեկավարը։
Մանրամասները՝ տեսանյութում։
