18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՌԴ-ն առաջ է անցել Իրանից՝ դառնալով աշխարհում ամենաշատ պատժամիջոցների ենթարկված երկիրը
Քաղաքականություն
08.03.2022 | 14:20
Ռուսաստանն աշխարհում ամենաշատ պատժամիջոցների ենթարկված երկիրն է դարձել՝ այն բանից հետո, երբ բազմաթիվ պետություններ Մոսկվայի նկատմամբ պատժամիջոցներ կիրառեցին՝ ի պատասխան Ուկրաինա ներխուժման, գրում է axios-ը։
Ռուսաստանն ընդամենը երկու շաբաթվա ընթացքում բախվել է 2,778 նոր պատժամիջոցի՝ ըստ Castellum.AI-ի, որը հետևում է Ռուսաստանի դեմ պատժամիջոցներին:
Մինչև փետրվարի 22-ը Ռուսաստանը ենթարկվել էր 2,754 պատժամիջոցի, ինչը նրան դարձնում է աշխարհի երկրորդ ամենաշատ պատժամիջոցների ենթարկված երկիրը՝ Իրանից հետո: Սակայն այն բանի հետո, երբ նախագահ Վլադիմիր Պուտինը հրամայեց զորքերին մտել Ուկրաինա, Մոսկվայի դեմ պատժամիջոցները աճեցին՝ հասնելով 5,532-ի։
Նշվում է, որ Իրանը 3,616 պատժամիջոցի է բախվել՝ հիմնականում միջուկային ծրագրի և ահաբեկչությանն աջակցելու համար։ Իրանին հաջորդում են Սիրիան ու Հյուսիսային Կորեան՝ համապատասխանաբար 2,608 և 2,077 պատժամիջոցով։
ՌԴ-ի դեմ պատժամիջոցների հիմնական մասը սահմանել են ԱՄՆ-ն ու նրա դաշնակիցներից, որոնք միասնականություն են դրսևորում։
Չեզոքության մասին հայտարարող Շվեյցարիան ՌԴ-ի դեմ սահմանած պատժամիջոցներով առաջատարն է՝ 568 պատժամիջոցով։ Շվեյցարիային հաջորդում են ԵՄ-ն, Ֆրանսիան, Կանադան, Ավստրալիան, ԱՄՆ-ն, որոնք պատժամիջոցների ճնշող մեծամասնությունն են կիրառել ՌԴ-ի դեմ։
Էմմա Չոբանյան
