10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Ուկրաինան հայտնել է խաղաղ բնակչության շրջանում նոր զոհերի մասին
Քաղաքականություն
08.03.2022 | 13:06
Ուկրաինայի Արտակարգ իրավիճակների պետական ծառայության տվյալներով՝ գիշերը և վաղ առավոտյան գնդակոծությունների ժամանակ կրկին զոհեր են գրանցվել խաղաղ բնակիչների շրջանում, գրում է BBC-ի ռուսական ծառայությունը։
Նշվում է, որ Սումի քաղաքում ռմբակոծության հետևանքով ավերվել են բնակելի տներ, հրդեհվել է բազմաբնակարան շենք։ Հաղորդվում է, որ 9 մարդ զոհվել է, այդ թվում՝ երկու երեխա, մեկ կին վիրավորվել է:
Ուկրաինայի հարավում գտնվող Նիկոլաևում բնակելի թաղամասերում մի քանի հրդեհ է բռնկվել։ Գնդակոծության հետևանքով զոհվել է 4 մարդ, 5-ը դուրս է բերվել փլատակների տակից և տեղափոխվել հիվանդանոց։
Խարկովում էլ գնդակոծությունից հետո հրդեհվել է բնակելի շենքի 9 հարկը։ Առնվազն 4 մարդ է զոհվել։
Ուկրաինան մեղադրում է Ռուսաստանին խաղաղ թաղամասերի և քաղաքացիական օբյեկտների գնդակոծություն մեջ, որը ռուսական կողմը հերքում է։
Էմմա Չոբանյան
