10.09.2026 | 19:15
Առուշ Առուշանյանը Գորիսի ընտրություններում ՔՊ-ի թեկնածուն է
Թող սերն ու բարին իշխեն ձեր հարկի տակ. ՀՀ ոստիկանության պետ Վահե Ղազարյանի շնորհավորական ուղերձը
Հասարակություն
08.03.2022 | 14:57
ՀՀ ոստիկանության պետ Վահե Ղազարյանի շնորհավորական ուղերձը Մարտի 8-ի առթիվ
«Սիրելի կանա՜յք, գործընկերուհինե՜ր, մայրե՜ր, քույրե՜ր, դստրիկնե՜ր:
Սիրով շնորհավորում եմ բոլորիդ՝ Գարնան և գեղեցկության տոնի առթիվ:
Մաղթում եմ, որ ձեր Մարտի 8-երին տարին միշտ բոլորվի սիրով, ձեռքբերումներով, լույսով ու ջերմությամբ:
Մեր սիրելի գործընկերուհիներին մաղթում եմ խաղաղ ու արդյունավետ ծառայություն և ընտանեկան բարօրություն ու հաջողություններ:
Շնորհավորում եմ մեր ծառայակիցների մայրերին, կանանց, քույրերին, դուստրերին: Թող սերն ու բարին իշխեն ձեր հարկի տակ, և ձեր սիրելիները միշտ խաղաղությամբ վերադառնան ծառայությունից:
Շնորհավորում եմ մեր կին-վետերաններին, մաղթում եմ վաստակած օրերի լիություն և սիրո ու հարգանքի վայելման տարիներ:
Սիրելի կանա՜յք, թող այսօր և միշտ խաղաղ լինի մեր երկրի երկինքը, օրերը՝ լուսավոր, ձեր սպասումներն՝ անտագնապ և լիուլի իրականացած:
Երջանիկ եղեք, սիրելինե՜ր»:
