15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Վաշինգտոնը շուրջ 500 զինծառայող կուղարկի Եվրոպա՝ ԱՄՆ ուժերն ամրապնդելու համար
Քաղաքականություն
08.03.2022 | 13:28
Ուկրաինային ռազմական օգնություն է տրամադրվում աշխարհի 15 երկրներից։ Այս մասին ճեպազրույցի ժամանակ հայտնել է ԱՄՆ պաշտպանության նախարարության խոսնակ Ջոն Քիրբին։
Նա հաստատել է, որ ԱՄՆ-ը շարունակում է ռազմական բեռներ ուղարկել Կիև՝ հավելելով, որ դա վերաբերում է նաև 14 այլ երկրների։
«Այդ բեռը հասնում է ուկրաինացի զինվորականներին, որոնք այն չափազանց արդյունավետ օգտագործում են»,- ընդգծել է նա։
Քիրբին ասել է, որ պաշտպանության նախարար Լլոյդ Օսթինն անցած հանգստյան օրերին հրամայել է ԱՄՆ-ից հավելյալ՝ շուրջ 500 զինծառայողի ուղարկել Եվրոպայում տեղակայման վայրեր՝ ԱՄՆ ուժերն ամրապնդելու համար, որոնք արդեն գտնվում են ՆԱՏՕ-ի արևելյան թևում։
Նրա խոսքով՝ այդ անձնակազմն այնպես կտեղակայվի, որպեսզի արձագանքի Ուկրաինայի շուրջ ներկայիս իրավիճակին ու ամրապնդի ՆԱՏՕ-ի զսպան ու պաշտպանական ներուժը։
Մինչ այդ, Մեծ Բրիտանիան ՌԴ-ին մեղադրել է մարդասիրական միջանցքները թիրախավորելու մեջ։ Ռուսական ուժերը շարունակում են ուղիղ հարվածներ հասցնել տարհանման միջանցքների երկայնքով, հայտնել է Մեծ Բրիտանիայի Պաշտպանության նախարարությունը։ Գերատեսչության տվյալներով՝ դա հանգեցրել է մի քանի խաղաղ բնակիչների մահվան՝ Իրպինից տարհանման փորձի ժամանակ։
Տաթև Ֆռանգյան
