09.02.2026 | 13:55
ՔՊ-ն պետք է խնդրի Վենսին` ճնշել Բաքվին, հայ գերիներին ազատ արձակելու համար. Արթուր Խաչատրյան
Ուկրաինան ՌԴ-ի և Կարմիր խաչի հետ համաձայնեցրել է Սումիից մարդասիրական միջանցքների բացումը
Քաղաքականություն
08.03.2022 | 12:46
Ուկրաինան Ռուսաստանի և Կարմիր խաչի հետ համաձայնեցրել է Սումիից մարդասիրական միջանցքների բացումը։ Այս մասին այսօր հայտարարել է Ուկրաինայի ժամանակավոր օկուպացված տարածքների վերաինտեգրման հարցերով նախարար Իրինա Վերեշչուկը, գրում է Korrespondent-ը։
Մարդկանց տարհանման համար կա միայն մեկ երթուղի՝ Սումի-Գոլուբովկա-Լոխվիցյա-Լուբնի-Պոլտավա: Վերեշչուկի խոսքով՝ այլ երթուղիներ չեն համաձայնեցվել։
Տարհանումը սկսվում է առավոտյան ժամը 10-ին։ Քաղաքացիական բնակչությունը հնարավորություն է ունենալու հեռանալ իր մեքենաներով։
Նաև ուկրաինական կողմից գծվել են մարդասիրական միջանցքների երթուղիներ՝ Վոլնովախա-Զապորոժիե, Մարիուպոլ-Զապորոժիե, Կիև և Կիևի մարզ՝ արևմտյան ուղղությամբ, ինչպես նաև Խարկով և Խարկովի մարզ՝ արևմտյան ուղղությամբ։
Նշենք, որ սա մարդասիրական միջանցք կազմակերպելու չորրորդ փորձն է։ Նախորդ երեքը խափանվել են։
Տաթև Ֆռանգյան
