18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Համաշխարհային բանկը 700 միլիոն դոլար է հատկացրել Ուկրաինային
Քաղաքականություն
08.03.2022 | 13:03
Համաշխարհային բանկը հաստատել է Ուկրաինային 489 միլիոն դոլարի լրացուցիչ բյուջետային աջակցության փաթեթը, որը կոչվում է «Տնտեսական աղետից Ուկրաինայի վերականգնման ֆինանսավորում» կամ «Ազատ Ուկրաինա», գրում է DW-ի ռուսական ծառայությունը:
Փաթեթը բաղկացած է 350 մլն դոլար լրացուցիչ վարկից և 139 մլն դոլար երաշխիքից, ինչպես նաև 134 մլն դոլար դրամաշնորհային և 100 մլն դոլար զուգահեռ ֆինանսավորումից։ Օգնության ընդհանուր գումարը կազմում է 723 մլն դոլար։
Այս միջոցների արագ փոխանցումը կօգնի Ուկրաինայի կառավարությանը կարևոր ծառայություններ մատուցել իր ժողովրդին, ներառյալ՝ հիվանդանոցների աշխատակիցների աշխատավարձերի վճարումը, կենսաթոշակների տրամադրումը և խոցելի խավերի համար սոցիալական ծրագրերի իրականացումը, ասվում է ՀԲ հայտարարության մեջ:
«Համաշխարհային բանկի խումբը հրատապ գործողություններ է ձեռնարկում՝ աջակցելու Ուկրաինային և նրա ժողովրդին Ռուսաստանի ներխուժման հետևանքով առաջացած բռնությունների և դաժան ցնցումների պայմաններում»,- ասել է բանկի գործադիր տնօրեն Դեյվիդ Մալպասը:
Տաթև Ֆռանգյան
