08.06.2026 | 19:34
Չնայած հսկայական ճնշմանը՝ Հայաստանի ժողովուրդը հստակորեն ընտրել է ժողովրդավարությունն ու խաղաղությունը. Մերց
Մենք այստեղ ենք և աշխատելու ենք՝ մինչև խաղաղության հասնենք․ Զելենսկին կադրեր է ցուցադրել Կիևի նախագահական նստավայրից. ՏԵՍԱՆՅՈՒԹ
Քաղաքականություն
08.03.2022 | 10:32
Ուկրաինայի նախագահ Վլադիմիր Զելենսկին երկուշաբթի երեկոյան, փետրվարի 24-ին Ուկրաինայում ռազմական գործողությունների մեկնարկից հետո առաջին անգամ, ելույթ է ունեցել Կիևի իր գրասենյակից։
Իր ֆեյսբուքյան էջում հրապարակած կարճ տեսանյութում Զելենսկին հայտարարել է, որ չի թաքնվում և ոչ ոքից չի վախենում։ Տեսանյութի սկզբում նա ցույց է տալիս իր աշխատասենյակի պատուհանից բացվող տեսարանն ու ասում․ «Ահա երեկոյան Կիևը։ Մեր գրասենյակը։ Երկուշաբթի երեկո։ Մենք սովորաբար ասում ենք՝ երկուշաբթին ծանր օր է։ Երկրում պատերազմ է, ուստի ամեն օր երկուշաբթի է, և այժմ մենք սովորել ենք, որ ամեն օր և ամեն գիշեր այդպիսին է»։
Զելինսկին հայտնում է նաև, որ իր թիմը շարունակում է աշխատել։
«Մենք այստեղ ենք, մենք բոլորս աշխատում ենք։ Ես Կիևում եմ, իմ թիմն ինձ հետ է։ Տարածքային պաշտպանությունն իր տեղում է»,- ասել է Զելենսկին՝ նշելով, որ հաղթանակն անպայման իրենցն է լինելու։
Տեսանյութում Զելենսկին նաև թարմ տեղեկություններ է ներկայացրել ռազմական գործողությունների մասին և հայտնել, որ երկուշաբթի հրամանագիր է ստորագրել 96 ուկրաինացի հերոսների պետական պարգևներ հանձնելու մասին։
Մանրամասները՝ տեսանյութում։
