15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ԵՄ-ն պետք է պատրաստ լինի Ուկրաինայից 5 մլն փախստականի ընդունելու․ Բորել
Քաղաքականություն
07.03.2022 | 23:13
ԵՄ-ն պետք է պատրաստ լինի Ուկրաինայից 5 մլն փախստականի ընդունել։ Այս մասին լրագրողների հետ զրույցում հայտարարել է ԵՄ դիվանագիտության ղեկավար Ժոզեպ Բորելը՝ Միության անդամ երկրների ԱԳ նախարարների հանդիպումից առաջ, գրում է CNN-ը։
«Մենք պետք է պատրաստվենք ընդունելու 5 մլն մարդու։ Գիտենք, որ 2015-16 թվականների սիրիական ճգնաժամի հետ կապված, որը Եվրոպայում միգրանտների ճգնաժամն էր, մենք խոսում էինք 1,5 միլիոն մարդու մասին, հիմա շատ ավելին է լինելու»,- ասել է Բորելը։
Նա նաև նշել է, որ ԵՄ-ն պետք է համակարգի ոչ միայն հումանիտար օգնությունը, այլև դաշինքի ռեսուրսները՝ աջակցելու Ուկրաինային սահմանակից ԵՄ երկրներին, որոնք պատրաստվում են ընդունել փախստականներին։
Ի դեպ, նախօրեին էլ ՄԱԿ-ի փախստականների հարցերով գործակալության հանձնակատար Ֆիլիպո Գրանդին նշել էր, որ 10 օրվա ընթացքում Ուկրաինայից ավելի քան 1,5 միլիոն փախստականներ անցել են հարևան երկրներ։
Էմմա Չոբանյան
