17.01.2026 | 17:30
ՆԳՆ-ն թույլ չի տվել իրանցիներին Երեւանում երթ անցկացնել. քաղաքապետարանը թույլատրել է, ապա չեղարկել թույլտվությունը
Ավարտվել է Ռուսաստանի և Ուկրաինայի միջև բանակցությունների երրորդ փուլը
Քաղաքականություն
07.03.2022 | 22:45
Ռուսաստանի և Ուկրաինայի միջև բանակցությունների երրորդ փուլն ավարտվել է, հայտնել է Ուկրաինայի նախագահի աշխատակազմի ղեկավարի խորհրդական, բանակցություններում ուկրաինական պատվիրակության անդամ Միխայիլ Պոդոլյակը։ Այս մասին տեղեկացնում է korrespondent-ը։
«Կան փոքր դրական տեղաշարժեր հումանիտար միջանցքների նյութատեխնիկական ապահովման բարելավման հարցում։ Հրադադարի և անվտանգության երաշխիքների հետ մեկտեղ՝ կարգավորման հիմնական քաղաքական բլոկի շուրջ ինտենսիվ խորհրդակցությունները շարունակվել են»,- ասել է Պոդոլյակը:
Նա ընդգծել է, որ խորհրդակցությունները կշարունակվեն այնքան ժամանակ, քանի դեռ դրական արդյունք ձեռք չի բերվել։
Հիշեցնենք՝ բանակցությունների երրորդ փուլի նախօրեին ՌԴ նախագահի մամուլի քարտուղար Դմիտրի Պեսկովը հայտարարել էր, որ Ռուսաստանը պատրաստ է անհապաղ դադարեցնել Ուկրաինայի դեմ ագրեսիան, եթե Կիևը կատարի Կրեմլի պահանջները։ Այդ պահանջների թվում է Ղրիմը որպես ռուսական, իսկ Դոնեցկն ու Լուգանսկը՝ որպես անկախ պետություններ ճանաչելը, Սահմանադրությունը փոփոխելը։
