18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
ԵՄ-ն առաջիկա օրերին կքննարկի Ուկրաինայի անդամակցության դիմումը. որ երկրներն են դեմ
Քաղաքականություն
07.03.2022 | 19:42
ԵՄ-ն առաջիկա օրերին կքննարկի Ուկրաինայի՝ Եվրամիությանն անդամակցելու հնարավորության հարցը։ Այս մասին հայտարարել է Եվրոպական խորհրդի նախագահ Շառլ Միշելը, գրում է BBC-ի ռուսական ծառայությունը։
«ԵՄ-ում համերաշխությունը, բարեկամությունն ու աննախադեպ աջակցությունն Ուկրաինային անսասան են»,- գրել է Միշելը թվիթերյան իր էջում։
Նշենք, որ յոթ օր առաջ Ուկրաինան դիմել էր ԵՄ-ին՝ հատուկ ընթացակարգով Կիևին անմիջապես Միության կազմում ընդգրկելու խնդրանքով։
Եվրահանձնաժողովի նախագահ Ուրսուլա ֆոն դեր Լյայենն ավելի վաղ հայտնել էր, որ ԵՄ անդամակցությունը պահանջում է խորը փոխակերպման գործընթացներ, որոնք չեն կարող իրականացվել մի քանի ամսում։
Բացի այդ, Bloomberg-ն այսօր, վկայակոչելով իր աղբյուրներին, հայտնել էր, որ ԵՄ մի քանի երկիր, այդ թվում՝ Գերմանիան և Նիդեռլանդները, դեմ են Ուկրաինային այս շաբաթ ԵՄ անդամակցության թեկնածուի կարգավիճակի տրամադրմանը:
Էմմա Չոբանյան
