29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Բելառուսում սկսվել են Ռուսաստանի և Ուկրաինայի միջև բանակցությունները
Քաղաքականություն
07.03.2022 | 19:22
Բելառուսի Բրեստի մարզում մեկնարկել է Մոսկվայի և Կիևի պատվիրակությունների բանակցությունների երրորդ փուլը։ Այս մասին ՌԻԱ Նովոստիի հաղորդմամբ՝ հայտնում է Մինսկում ՌԴ դեսպանատունը։
Ռուսական պատվիրակության կազմը չի փոխվել. այն գլխավորում են նախագահի օգնական Վլադիմիր Մեդինսկին, փոխարտգործնախարար Անդրեյ Ռուդենկոն, պաշտպանության փոխնախարար Ալեքսանդր Ֆոմինը, Բելառուսում ՌԴ դեսպան Բորիս Գրիզլովը և Դումայի միջազգային հարաբերությունների հանձնաժողովի ղեկավար Լեոնիդ Սլուցկին։
Ուկրաինական կողմը ներկայացնում են նախագահական գրասենյակի ղեկավարի խորհրդական Միխայիլ Պոդոլյակը, Գերագույն ռադայի «Ժողովրդի ծառա» խմբակցության ղեկավար Դավիթ Արախամիան, պաշտպանության նախարար Ալեքսի Ռեզնիկովը, այլ քաղաքական գործիչներ։
Տաթև Ֆռանգյան
