06.06.2026 | 15:15
Մոտ 100 ընտրողի տրվել է 100 հազարից մինչև 500 հազար դրամ ընտրակաշառք․ 40 անձ ձերբակալվել է
Շառլ Միշելը բանակցել է Պուտինի և Զելենսկիի հետ
Քաղաքականություն
07.03.2022 | 20:49
Եվրոպական խորհրդի նախագահ Շառլ Միշելն այսօր՝ մարտի 7-ին հեռախոսազրույց է ունեցել Ուկրաինայի նախագահ Վլադիմիր Զելենսկիի և Ռուսաստանի նախագահ Վլադիմիր Պուտինի հետ։
«Մենք քննարկել ենք միջուկային օբյեկտներին սպառնացող վտանգը, քաղաքացիական և կարևոր ենթակառուցվածքների հրթիռակոծումը: Մենք պետք է դադարեցնենք այն: Ես անդրադարձել եմ նաև ԵՄ-ին Ուկրաինայի անդամակցության հարցին: Ուկրաինայի ժողովուրդն արժանի է դրան»,- Twitter-ում բանակցությունների մասին գրել է Զելենսկին:
Провів чергові перемовини з Президентом Європейської ради @eucopresident. Обговорили загрозу ядерним об'єктам, обстріли цивільних та критичної інфраструктури. Маємо це зупинити. Порушив питання членства 🇺🇦 в #ЄС. Народ України цього гідний. #StopRussia
— Володимир Зеленський (@ZelenskyyUa) March 7, 2022
Շառլ Միշելն իր հերթին Զելենսկիի հետ բանակցությունների մասին Թվիթերում գրել է, որ ԵՄ-ն հաստատակամորեն Ուկրաինայի կողքին է՝ ռուսական ագրեսիայի հետևանքով առաջացած մարդասիրական տառապանքը մեղմելու և միջուկային անվտանգությունն ապահովելու ջանքերում։
The EU’s solidarity, friendship and unprecedented assistance for #Ukraine are unwavering.
We will discuss Ukraine’s membership application in coming days.
— Charles Michel (@eucopresident) March 7, 2022
«Համերաշխությունը, բարեկամությունը և Եվրամիության աննախադեպ օգնությունն Ուկրաինային անսասան են, մոտ օրերս մենք կքննարկենք Ուկրաինայի անդամակցության դիմումը»,- հավելել է նա։
Ինչ վերաբերում է Պուտինի հետ բանակցություններին, Եվրական խորհրդի ղեկավարը նշել է, որ ԵՄ-ն «ամենախիստ կերպով դատապարտում է ռուսական ագրեսիան Ուկրաինայի դեմ»։
Called on President @KremlinRussia_E to immediately stop hostilities and ensure humanitarian safe passage and access to assistance.
Stressed need to ensure safety and security of nuclear facilities amidst hostilities in #Ukraine
Agreed to maintain further contacts.
— Charles Michel (@eucopresident) March 7, 2022
«Ես կոչ եմ արել Ռուսաստանի Դաշնության նախագահին՝ անհապաղ դադարեցնել ռազմական գործողությունները և ապահովել հումանիտար անվտանգ անցում և օգնության հասանելիություն: Ընդգծել եմ Ուկրաինայում ռազմական գործողությունների պայմաններում միջուկային օբյեկտների անվտանգությունն ու պաշտպանությունն ապահովելու անհրաժեշտությունը: Պայմանավորվել ենք շարունակել հետագա շփումներ»,- հայտնել է եվրոպացի պաշտոնյան։
Տաթև Ֆռանգյան
