12.12.2024 | 12:25
ՀՀ ոչ մի քաղաքացի իր ընտանիքի համար ավելի շատ գումար չի ծախսում, քան ծախսում է պետբյուջեն․ Փաշինյան․ ՏԵՍԱՆՅՈՒԹ
Մակրոնը դատապարտել է Պուտինի՝ հումանիտար միջանցքի բացման հարցում «բարոյական և քաղաքական ցինիզմը»
Քաղաքականություն
07.03.2022 | 20:03
Ֆրանսիայի նախագահ Էմանուել Մակրոնը դատապարտել է Ռուսաստանի նախագահ Վլադիմիր Պուտինի, իր բնորոշմամբ՝ «բարոյական և քաղաքական ցինիզմը»՝ Ուկրաինայի մի քանի քաղաքների բնակիչներին հումանիտար միջանցքներ առաջարկելու համար, որտեղից մարդիկ պետք է տեղափոխվեն Ռուսաստան։ Այս մասին հաղորդում է Euronews-ը։
Նա հայտարարել է, որ «միայն միջանցքներ անհրաժեշտ չեն, որոնք անմիջական սպառնալիքի տակ են»։
«Կեղծավոր խոսակցություն է, երբ ասում ես, որ մենք կպաշտպանենք մարդկանց՝ նրանց Ռուսաստան տեղափոխելու համար։ Այս ամենն անլուրջ է, սա բարոյական ու քաղաքական ցինիզմ է, ինչն անհանդուրժելի է»,- հայտարարել է Մակրոնը ֆրանսիական LCI հեռուստաալիքին տված հարցազրույցում։
Երկու առաջնորդները կիրակի 1 ժամ 45 րոպե տևողությամբ հեռախոսազրույց են ունեցել։ Մոսկվան հայտարարել է, որ հրադադարի և հումանիտար միջանցքների առաջարկը հետևել է Մակրոնի խնդրանքին, ինչը, սակայն, Փարիզը հերքում է:
Ռուսաստանն առաջարկել է հրադադար՝ մարդկանց Կիևից, Խարկովից, Մարիուպոլից և Սումիից հեռանալու համար, բայց՝ նրանց Բելառուս և Ռուսաստան տեղափոխելով:
Ուկրաինան մերժել է այդ առաջարկը՝ այն անվանելով անընդունելի։
Տաթև Ֆռանգյան
