20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Նոր Զելանդիան պատժամիջոցներ է սահմանել Պուտինի, Միշուստինի, Լավրովի և Շոյգուի դեմ
Քաղաքականություն
07.03.2022 | 15:37
Նոր Զելանդիան պատժամիջոցներ է սահմանում ՌԴ նախագահ Վլադիմիր Պուտինի, վարչապետ Միխայիլ Միշուստինի, ԱԳ նախարար Սերգեյ Լավրովի, պաշտպանության նախարար Սերգեյ Շոյգուի և այլ պաշտոնյաների դեմ, գրում է ՌԻԱ Նովոստին։
Նոր Զելանդիայի ԱԳՆ հայտարարության մեջ նշվում է, որ խոսքը երկիր մուտքի արգելքի մասին է այն անձանց համար, որոնք կապ ունեն Ուկրաինայում ռազմական գործողությունների հետ։ Հրապարակված ցուցակում մոտ 100 անուն կա։
Երկրի վարչապետ Ջասինդա Արդերինը կառավարության նիստում նաև հայտարարել է, որ Նոր Զելանդիան մտադիր է ընդլայնել ՌԴ-ի դեմ պատժամիջոցները։
Համապատասխան օրինագիծը երկրի խորհրդարանում քննարկվելու է այս շաբաթ։ Հաստատվելու դեպքու՝ իշխանությունները հնարավորություն կունենան սառեցնել ֆիզիկական անձանց, ընկերությունների և կազմակերպությունների հաշիվները, որոնք կապված են Ուկրաինայում ռազմական գործողությունների հետ։
Վարչապետի խոսքով՝ պատժամիջոցները կարող են կիրառվել ռուսական նավերի, օդանավերի դեմ, որոնց մուտքը կարգելվի Նոր Զելանդիայի ջրային և օդային տարածք։
Օրինագիծը նաև հնարավորություն է տալիս պատժամիջոցներ սահմանել այլ պետությունների դեմ, որոնք «ներգրավված են ՌԴ-ի անօրինական գործողություններում, ինչպիսին է Բելառուսը»։
Էմմա Չոբանյան
