26.11.2024 | 22:26
Իմ կալանքը ծառայում է Ադրբեջանի բռնապետության և նրա հանցակից ռուսական կայսրության շահերին․ Ադրբեջանում բանտարկված դիվանագետ
Ռուբլին կտրուկ արժեզրկվել է՝ նոր հակառեկորդ սահմանելով
Քաղաքականություն
07.03.2022 | 17:11
Ռուսական արժույթը Լոնդոնի ֆոնդային բորսայում նվազել է ևս 13 տոկոսով՝ հասնելով մեկ դոլարի դիմաց 140 ռուբլու և մեկ եվրոյի դիմաց` 150 ռուբլու։ Այս մասին տեղեկացնում է Bloomberg-ը։
Միաժամանակ, ՌԴ Կենտրոնական բանկը մեկ դոլարի դիմաց սահմանել է 105,8 ռուբլի, եվրոյի դիմաց՝ 115,6 ռուբլի փոխարժեք։ Սակայն փոխանակման կետերում նման արժեքով գնով դոլար չկա․ Ռուսաստանի որոշ քաղաքներում փետրվարի վերջին 1 դոլարի դիմաց 250 ռուբլի են պահանջել։
Անկում ապրող տնտեսությունն ինչ-որ կերպ պահելու համար ՌԴ իշխանությունները 30 տոկոսի չափով «արտարժույթի հարկ» են մտցրել։ Նման «միջնորդավճար» պետք է վճարվի, եթե բորսայում դոլար եք գնում։
Ռուսական The Bell պարբերականի փոխանցմամբ՝ մարտի 7-ին ռուբլու նման արժեզրկումը պայմանավորված է Ռուսաստանից նավթի ներկրման վրա էմբարգոյի կիրառման քննարկումների մասին լուրերով։
Հիշեցնենք, որ ԱՄՆ իշխանությունները լրջորեն դիտարկում են էմբարգոյի տարբերակները, ինչպես նաև ուսումնասիրում են այդ պատժամիջոցի ազդեցությունը ներքին շուկայի վրա։ Ռուսական նավթի ներկրման արգելքի մասշտաբներն ու ժամկետները դեռ որոշված չեն, սակայն հնարավոր է, որ ԱՄՆ-ն ինքնուրույն գնա այդ քայլին, առանց Եվրոպայի, որը շատ ավելի կախված է ռուսական նավթից։
Տաթև Ֆռանգյան
