16.09.2026 | 18:46
ՀՀ-ն է որոշումներ կայացնելու TRIPP մուտք ու ելքի պահին. Փաշինյան. ՏԵՍԱՆՅՈՒԹ
Մարմնամարզության աշխարհի գավաթ․ Հայաստանի ներկայացուցիչները 4 մեդալ են նվաճել Դոհայում
07.03.2022 | 12:34
Մարմնամարզության Հայաստանի հավաքականը 2 ոսկե, մեկական արծաթե և բրոնզե մեդալ է նվաճել Դոհայում անցկացված մարմնամարզության աշխարհի գավաթի խաղարկության երկրորդ փուլում․ տեղեկացնում են ԿԳՄՍՆ-ից։
Մրցաշարի հաղթող են դարձել Վահագն Դավթյանը օղակներ վարժությունում և Արթուր Դավթյանը հենացատկում։ Օղակներ վարժությունում արծաթե մեդալը նվաճել է Արթուր Ավետիսյանը, իսկ Հարություն Մերդինյանը բրոնզե մեդալակիր է դարձել նժույգթափերում։ Մրցաշարին մասնակցել է նաև երիտասարդ մարմնամարզիկ Գագիկ Խաչիկյանը։
Տոկիոյի օլիմպիական խաղերի բրոնզե մեդալակիր Արթուր Դավթյանն օրեր առաջ ոսկե մեդալակիր էր դարձել նաև Գերմանիայի Կոտբուս քաղաքում անցկացված աշխարհի գավաթի խաղարկության առաջին փուլում։
Նշենք՝ մարմնամարզության աշխարհի գավաթի խաղարկության երկու փուլերից հետո 6-ական մեդալ են նվաճել միայն Հայաստանի և Ուկրաինայի ներկայացուցիչները: Սա լավագույն արդյունքն է։
Աշխարհի գավաթի խաղարկության երրորդ փուլը կանցկացվի Կահիրեում մարտի 13-20-ը։ Եվս մեկ մրցաշար տեղի կունենա Բաքվում։
