14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վարշավան հայտնել է, որ իր կործանիչները չի ուղարկի Ուկրաինա
Քաղաքականություն
07.03.2022 | 13:42
Լեհաստանի ռազմաօդային ուժերին սպասարկող խորհրդային արտադրության ՄիԳ-29 կործանիչներն Ուկրաինա չեն ուղարկվի։
«Լեհաստանն իր կործանիչները չի ուղարկի Ուկրաինա և իր օդանավակայաններն օգտագործելու թույլտվություն չի տրամադրի»,- Twitter-ի պաշտոնական էջում այս մասին հայտնել է Լեհաստանի վարչապետի գրասենյակը՝ պատասխանելով բելառուսական NEXTA ընդդիմադիր հրատարակչության թվիթին։
‼️FAKE NEWS‼️
Unfortunately you are spreading misinformation with quotation from 27/02/22.Poland won't send its fighter jets to #Ukraine as well as allow to use its airports. We significantly help in many other areas.https://t.co/wjNOgh97JT
— Chancellery of the Prime Minister of Poland (@PremierRP_en) March 6, 2022
Հայտարարության մեջ նշվում է, որ Լեհաստանի իշխանություններն Ուկրաինային «զգալի օգնություն են ցուցաբերում այլ ոլորտներում»։ Գրառման մեջ նաև հղում կա Լեհաստանի զինված ուժերի գլխավոր շտաբի տեղեկատվությանը, ըստ որի՝ բոլոր լեհական ՄիԳ-29 օդանավերը գտնվում են իրենց բազաներում:
Ավելի վաղ լրատվամիջոցներում լուրեր էին տարածվել, որ Լեհաստանը պատրաստ է Ուկրաինային փոխանցել խորհրդային արտադրության ՄիԳ-եր, ինչի դիմաց ԱՄՆ-ից կստանա F-16 կործանիչներ։ ԱՄՆ պետքարտուղար Էնթոնի Բլինքենը Մոլդովայում տեղի ունեցած ասուլիսում հաստատել էր, որ Վաշինգտոնի և Վարշավայի միջև ակտիվ բանակցություններ են ընթանում այն ինքնաթիռների վերաբերյալ, որոնք Լեհաստանը կարող է տրամադրել Ուկրաինային, բայց այդ հարցում որևէ ծրագիր կամ ժամկետ դեռևս չի մշակվել։
Տաթև Ֆռանգյան
