29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ավերվել է Խարկովի շուկան․ նրանից ոչինչ չի մնացել. ՏԵՍԱՆՅՈւԹ, ԼՈւՍԱՆԿԱՐՆԵՐ
Քաղաքականություն
06.03.2022 | 12:14
Գիշերն ուկրաինական Խարկովի շուկան գրեթե հավասարեցվել է հողին, նրանից ոչինչ չի մնացել։ Առավոտյան ժամը 5-ի սահմաններում Խարկովի բնակիչները սոցցանցերում հայտնել են, որ քաղաքում անհանգիստ է, ենթադրաբար՝ ինքնաթիռների թռիչքից։ Լսվել են պայթյունների ձայներ։
Գիշերային ռմբակոծությունից Խարկովում ամենաշատը տուժել են Սևերնայա փողոցը, պայթյունների ձայներ են հնչել նաև Օգոստոսի 23-ի, Ալեքսեևկայի, Սալտովկայի տարածքում, նաև՝ քաղաքի կենտրոնում։
Մայրաքաղաք Կիևում ևս, Unian կայքի հաղորդմամբ, կեսգիշերին պայթյուններ են որոտացել, քաղաքի միանգամից մի քանի շրջաններում։
Մայրաքաղաքի բնակիչներին հորդորել են մտնել ապաստարաններ։ Լուսանկարներում երևում են Խարկովի ավերվածությունները։
