29.07.2026 | 09:30
ՀՀ տարածքում ավտոճանապարհներն անցանելի են
Visa-ն ու Mastercard-ը հայտարարել են ՌԴ-ում գործունեությունը դադարեցնելու մասին
Քաղաքականություն
06.03.2022 | 12:39
Visa և Mastercard միջազգային վճարային համակարգերը կիրակի գիշերը հայտարարել են Ռուսաստանում իրենց գործունեությունը դադարեցնելու մասին, փոխանցում է Interfax-ը։
Նշվում է, որ երբ ընկերությունները դադարեցնեն բոլոր գործողությունները Ռուսաստանում, ռուսական բանկերի կողմից թողարկված քարտերն այլևս չեն գործի արտերկրում: ՌԴ-ում նաև չեն աշխատի քարտերը, որոնք թողարկված են օտարերկրյա ֆինանսական ինստիտուտների կողմից:
Visa-ն և Mastercard-ն իրենց որոշումը բացատրել են Ուկրաինայում ռուսական ռազմական գործողությամբ։
«Մենք ստիպված ենք եղել գործել՝ նկատի ունենալով Ռուսաստանի կողմից Ուկրաինա ներխուժումը և այն անընդունելի իրադարձությունները, որոնց ականատես եղանք: Մենք ցավում ենք, որ այս որոշումն ազդում է մեր գործընկերների, հաճախորդների, գործընկերների, առևտրականների, քարտապանների վրա, որոնց մենք սպասարկում ենք Ռուսաստանում»,-ասվում է նրանց տարածած հաղորդագրության մեջ։
