06.10.2026 | 11:45
Ինչ են քննարկում Սասուն Միքայելյանը և Նարեկ Կարապետյանը վիճաբանության ժամանակ․ ՏԵՍԱՆՅՈՒԹ
Ո՞վ է գնդակոծել Զապորոժիեի ատոմակայանը․ կողմերն իրար են մեղադրում․ պատերազմի 9-րդ օրը․ ՏԵՍԱՆՅՈւԹ
Քաղաքականություն
04.03.2022 | 21:00
Պատերազմի 9-րդ օրը ռուս-ուկրաինական ճակատում իրավիճակը շարունակում է գերլարված մնալ․ ուկրաինական աղբյուրների հաղորդմամբ մայրաքաղաք Կիևը և հարակից քաղաքները ռուսական զորքերի կողմից գնդակոծվում և հրթիռակոծվում են։ Մարդիկ շարունակում են պատսպարվել ապաստարաններում և մետրոյի կայարաններում։
Ըստ ուկրաինական կողմի՝ ուշ գիշերին ռուսական զորքերը գնդակոծել, ապա գրավել են Եվրոպայում ամենամեծ՝ Զապորոժիեի ատոմակայանը։ Ռուսական կողմը, սակայն, հակառակն է պնդում՝ ատոմակայանն իրենց վերահսկողության տակ է դեռևս փետրվարի 28-ից, իսկ հրդեհի պատճառ է դարձել ուկրաինական կողմի հարձակումը։ Հրդեհը տարածվել է շուրջ 2000 քմ-ի վրա՝ էներգաբլոկներից մեկի մոտ և ուսումնական շենքում։ Հրշեջներին հաջողվել է նախ մեկուսացնել, ապա՝ մարել կրակը։
Թեև նախնական տվյալներով ճառագայթային ֆոնի փոփոխություն չի գրանցել, այնուամենայնիվ Ատոմային էներգիայի միջազգային գործակալությունը կողմերին կոչ է արել զերծ մնալ ատոմակայանի տարածքում ռազմական գործողություններից։ Այս առթիվ Մեծ Բրիտանիան հայտարարել է, որ ՄԱԿ-ի Անվտանգության խորհրդի արտահերթ նիստ կհրավիրվի։
Երեկ երեկոյան Խերսոնի մարզի ղեկավար Գենադի Լագուտան հայտնեց, որ ռուսական զինծառայողները գրավել են Խերսոնի հեռուստաաշտարակը։ Խարկովում, թեև այսօր համեմատաբար խաղաղ է, սակայն տեղեկատվություն է ստացվել, որ բնակելի շենքին հարվածելու հետևանքով հայ ընտանիք է ծանր վիրավորում ստացել։
Մանրամասները՝ տեսանյութում։
Ռոզա Վարդանյան
