07.11.2024 | 09:30
ՀՀ տարածքում ավտոճանապարհներն անցանելի են. Լարսը փակ է բեռնատարների համար
Թուրքիան պատրաստ է Անթալիայում կազմակերպել ՌԴ-ի ու Ուկրաինայի ԱԳ նախարարների հանդիպումը․ Չավուշօղլու
Քաղաքականություն
04.03.2022 | 20:06
Անկարան պատրաստ է անել ամեն անհրաժեշտը պատերազմի անհապաղ ավարտման համար։ Այս մասին Թուրքիայի ԱԳ նախարար Մևլութ Չավուշօղլուն հայտարարել է Բրյուսելում ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում, գրում է Անադոլու գործակալությունը։
Չավուշօղլուն նշել է, որ տեղեկացրել է ՆԱՏՕ-ի երկրների իր գործընկերներին տարածաշրջանում Անկարայի հավասարակշռված ու վճռորոշ քաղաքականության մասին։
«Հումանիտար միջանցքների ձևավորումը կարևոր է հարց է,սակայն մեզ համար բացարձակ առաջնահերթությունը պատերազմի դադարեցումն է»,- ասել է Չավուշօղլուն։ Թուրքական դիվանագիտության ղեկավարը նշել է, որ Անկարան շարունակում է շփումները թե՛ Ռուսաստանի, թե՛ Ուկրաինայի հետ։
Չավուշօղլուն հայտնել է, որ դեռ պատերազմից առաջ, Թուրքիան նախատեսել էր կազմակերպել ՌԴ-ի ու Ուկրաինայի ԱԳ նախարարների հանդիպումը։
«Եթե պայմանները թույլ տան, մենք պատրաստ ենք Անթալիայում դիվանագիտական ֆորումի շրջանակներում կազմակերպել Լավրովի և Կուլեբայի հանդիպումը»,- ասել է Թուրքիայի ԱԳ նախարարը։ Նա նաև նշել է, որ Թուրքիան չի փակի իր օդային տարածքը ՌԴ-ի համար, քանի որ դա ռազմավարական տեսակետից սխալ քայլ է։
Էմմա Չոբանյան
