29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Արևմուտքի երկրների ԱԳ նախարարները հավաքվելու են Բրյուսելում՝ քննարկելու՝ ինչ անել «Պուտինի ռազմական մեքենայի հետ». BBC
Քաղաքականություն
04.03.2022 | 21:20
Բրյուսելում հավաքվելու են Արևմտյան երկրների ԱԳ նախարարները՝ քննարկելու Ուկրաինայում ռազմական գործողությունները և համակարգելու հետագա քայլերը, գրում է BBC-ի ռուսական ծառայությունը։ Սպասվում է, որ նախարարները նոր ուղիներ են փնտրելու Ուկրաինային աջակցության՝ միաժամանակ չթուլացնելով Մոսկվայի վրա ճնշումը։
Հերթով ելույթ կունենան ՆԱՏՕ-ի, G7-ի (Մեծ յոթնյակի) և Եվրամիության արտաքին գործերի նախարարները, որոնք կքննարկեն, թե ինչ հետագա քայլեր կարող են ձեռնարկել:
ՆԱՏՕ-ն կդիտարկի դաշինքի արևելյան սահմաններում իր զորախմբի ներկայության հետագա ուժեղացման հնարավորությունը։ Օրակարգում է նաև, մասնավորապես, Վրաստանին, Մոլդովային և Հյուսիսատլանտյան դաշինքի անդամ չհանդիսացող այլ երկրներին աջակցություն ցուցաբերելու հնարավորության հարցն է։
Նախարարները կգնահատեն նաև Ուկրաինայում հումանիտար ճգնաժամը՝լսելով իրենց ուկրաինացի գործընկեր Դմիտրի Կուլեբային, որն, ինչպես հայտնի է, առաջին հերթին օգնություն էխնդրել ՀՕՊ համակարգերի ուժեղացման համար, որոնք պաշտպանում են ուկրաինական քաղաքները ավերիչ օդային հարվածներից:
Նախօրեին էլ Մեծ Բրիտանիայի ԱԳ նախարար Լիզ Թրասսը հայտարարել էր լրագրողներին, որ ուրբաթ օրվա բանակցությունները պետք է «ցուցաբերեն Ուկրաինային վճռական աջակցություն» և միաժամանակ «գտնեն այն հարցի պատասխանը, թե ինչ անել «Պուտինի ռազմական մեքենայի հետ»»։
Դիվանագետների խոսքով՝ հիմա գլխավոր նպատակը՝ Արևմուտքի դիրքերի միասնության ամրապնդումն է, քանի Ռուսաստանի հետ համագործակցելը ներկայում «շատ ծանր է»։
Էմմա Չոբանյան
