Քաղաքականություն
04.03.2022 | 19:36
ՌԴ-ի ու Ուկրաինայի միջև բանակցությունների երրորդ փուլը կարող է լինել մարտի 5-ին կամ 6-ին․ այս մասին հայտարարել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը, գրում է ՏԱՍՍ-ը։
«Մենք սպասում ենք, գտնվում ենք մշտական շփման մեջ։ Ուղիղ կապի մեջ ենք, երբ պարզ լինի, որ պատրաստ ենք, օրինակ, առաջ շարժվել կրակի դադարեցման շուրջ քննարկման համար, մենք ունենք տարբերակ՝ նրանք պատրաստ են, մենք գնում ենք։», – ասել է նա ճեպազրույցի ժամանակ։
Պոդոլյակը նաև հավելել է, որ Ռուսաստանի, Ուկրաինայի և Կարմիր Խաչի միջազգային կոմիտեի ներկայացուցիչները մինչև օրվա ավարտը կարող են լուծել հումանիտար միջանցնքերի հարցը։
Հիշեցնենք, որ նախօրեին տեղի ունեցավ ռուս-ուկրաինական բանակցությունների երկրորդ փուլը, առաջին հանդիպումն էլ կայացել էր փետրվարի 28-ին։
Էմմա Չոբանյան
