10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Համաշխարհային բանկը դադարեցրել է բոլոր ծրագրերը ՌԴ-ում և Բելառուսում
Քաղաքականություն
04.03.2022 | 21:25
Համաշխարհային բանկը (ՀԲ) հայտարարել է, որ դադարեցնում է բոլոր ծրագրերը Ռուսաստանում և Բելառուսում՝ Ուկրաինա ռուսական ներխուժումից և «Ուկրաինայի ժողովրդի դեմ թշնամական գործողություններից» հետո, գրում է VOA-ն։
Բանկի հայտարարության մեջ ասվում է, որ Ռուսաստանում նոր վարկեր և ներդրումներ չի հաստատել 2014 թվականից ի վեր՝ Ղրիմը ՌԴ-ին միացնելուց հետո։
Միևնույն ժամանակ, բանկը հայտնել է, որ Բելառուսին չի հաստատել նոր վարկեր 2020 թվականից ի վեր, երբ ԱՄՆ-ը պատժամիջոցներ սահմանեց երկրի նկատմամբ՝ վիճելի նախագահական ընտրությունների պատճառով:
Կազմակերպության կայքում նշվում է, որ Համաշխարհային բանկի վարկային ծրագրերի ծավալը Բելառուսում 2020 թվականին կազմել է 308 միլիոն դոլար։ Ակտիվ ծրագրերը ներառում են կենսազանգվածով ջեռուցման ծրագիրը, անտառտնտեսության զարգացման աշխատանքները և կրթական համակարգի արդիականացումը:
1990-ականների սկզբից Համաշխարհային բանկն ավելի քան 16 միլիարդ դոլարի վարկ է տրամադրել Ռուսաստանին: Վերջին հաստատված նախագծերը ներառում էին 2013 թվականին Հյուսիսային Կովկասում երիտասարդական ծրագիրը և 2010 թվականին մեկնարկած մշակութային ժառանգության պահպանման ծրագիրը, ասվում է հաղորդագրությունում:
Տաթև Ֆռանգյան
