08.06.2026 | 14:56
Մայա Սանդուն շնորհավորել է Նիկոլ Փաշինյանին ընտրություններում հաղթանակի առթիվ՝ «չնայած զանգվածային արտաքին միջամտությանը»
ՌԴ զորքերի նպատակն է Կիևի շրջափակումը․ Ուկրաինայի ՊՆ
Քաղաքականություն
04.03.2022 | 19:44
Ուկրաինայի պաշտպանության նախարարությունը հայտարարել է, որ ՌԴ զորքերի նպատակն է Կիևի շրջափակումը։
CNN-ի հաղորդմամբ՝ գերատեսչության հայտարարության համաձայն՝ ռուսական զորքրերը «շրջափակվել և կանգնեցվել են Մակարովի շրջանում», որը գտնվում է Ուկրաինայի մայրաքաղաքից մոտ 60 կմ (37 մղոն) հեռավորության վրա։
Նախարարությունը հայտնել է, որ Ռուսաստանի զինված ուժերը սպառել են իրենց օպերատիվ ռեզերվների մեծ մասը և սկսել են «հարավային և արևելյան ռազմական շրջաններից լրացուցիչ ուժեր և ռեսուրսներ տեղափոխելու նախապատրաստությունը»։
Ռուսաստանի նախագահ Վլադիմիր Պուտինը հինգշաբթի հայտարարել է, որ պատերազմն Ուկրաինայում «ընթանում է ըստ պլանի», չնայած այլ երկրների գնահատականներին, որ Կրեմլի ներխուժումը չի ընթացել ըստ պլանի։
Ուկրաինայի պաշտպանության նախարարությունը հայտնել է, որ ռուսական ուժերը շարունակում են նախապատրաստվել Սև ծովի ափին վայրէջք կատարելուն։
Տաթև Ֆռանգյան
