08.06.2026 | 13:24
2025 թվականի բյուջեի կատարողականի նախնական քննարկումները ԱԺ-ում. ՈՒՂԻՂ
ԵՄ-ն պահանջում է Ռուսաստանից անհապաղ դադարեցնել ռազմական գործողությունները Ուկրաինայի ատոմային էլեկտրակայանների տարածքում
Քաղաքականություն
04.03.2022 | 19:14
ԵՄ արտաքին դիվանագիտության ղեկավար Ժոզեպ Բորելը պահանջում է Ռուսաստանից անհապաղ դադարեցնել ռազմական գործողությունները Ուկրաինայի ատոմային էլեկտրակայանների տարածքում։
«ՌԴ գրոհները ուկրաինական ԱԷԿ-ների տարածքների անմիջական մոտերքում կարող են աղետալի հետևանքներ ունենալ։ Դրանք պետք է անհապաղ դադարեցվեն»,- գրել է Բորելը Թվիթթերում։
Նա նշել է, որ Զապորոժիեի ԱԷԿ-ի գնդակոծությունն ու դրա հետևանքով առաջացած հրդեհը կարող է վտանգի տակ դնել ողջ Եվրոպան։
Բորելը նաև հայտնել է, որ աջակցում է ՄԱԿ-ի Անվտանգության խորհրդի գումարմանը։
Հիշեցնենք, որ այս գիշեր ուկրաինական կողմի պնդմամբ՝ ռուսական զորքերի գնդակոծության հետևանքով Զապորոժիեի ԱԷԿ-ի տարածքում հրդեհ է բռնկվել։ Հրդեհվել է ուսումնամարզական համալիրի 5 հարկանի շենքի 3 հարկերը։ Այս պահին հրդեհը չեզոքացված է։
Զապորոժիեի ԱԷԿ-ի տարածքը գրավվել է ռուս զինվորականների կողմից։
Տաթև Ֆռանգյան
