15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
ԱԺ ամբիոնից մատ թափ տալու մասին՝ Փաշինյանը հիմա և նախկինում. ԵզրաԿԱՑՈՒԹՅՈՒՆ
Քաղաքականություն
04.03.2022 | 13:48
ՀՀ վարչապետ Նիկոլ Փաշինյանը մարտի 2-ին ԱԺ-ում հունից դուրս եկավ, երբ «Հայաստան» խմբակցության պատգամավոր Հռիփսիմե Ստամբուլյանը հարց ու պատասխանի ժամանակ հայտարարեց, թե նա «հանձնել է Արցախի 75 տոկոսը»: Դա հերթական անգամ թեժացրեց խորհրդարանի մթնոլորտը, տեղից արձագանքեց նաև «Հայաստան» խմբակցության ղեկավարը։ Վարչապետ Փաշինյանը հակադարձեց․ «Ասում եմ` ով որ ինձ ասի` ես հող եմ հանձնել, ես այդ մարդկանց հետ մատով եմ խոսալու ու մատով եմ խոսացել: Տո ձեր ղեկավարության ժամանակ ի՞նչ է եղել, եթե Սանասար էր, ինչի՞ եք գնացել, հանձնել, «Մադրիդյան սկզբունքներում» դուք եք գրել, դուք էիք պաշտպանության նախարարը: Ուրեմն, ձեր չափն իմացեք, հերիք եղավ, բոլ եղավ, պետք եղավ մատ թափ կտամ, ուրիշ բան էլ կանեմ»:
Իսկ ահա ընդդիմադիր Նիկոլ Փաշինյանը յոթ տարի առաջ 2015 թվականին սուր քննադատում էր Գլխավոր դատախազի թեկնածու Գևորգ Կոստանյանին՝ ԱԺ-ում պատգամավորների հարցերին մատ թափ տալով պատասխանելու համար: «Ձեր ցուցամատը Ձեզ պահեք, ինչ է նշանակում՝ պատգամավորը հարց տա, վրան մատ թափ տաք»,- ասել էր նա:
Մանրամասները՝ տեսանյութում:
Նարեկ Կիրակոսյան
